Ha Shayad Ab Hum bade ho gaye hai

Jis Maa ke hath se khana khane me itne nakhre karte the,

Aaj usi Maa ke hath ka bana khana khane ko taras jaate hai…..

Ha, Shayad Ab Hum Bade Ho Gaye Hai.

Kisi samay hamare parents hume padhai karne ke liye bola karte the,

Aur aaj hum apne younger brother-sister ko padhai na karne par chillate hai….

Ha, Shayad Ab Hum Bade Ho Gaye Hai.

Kal tak 1 dairy-milk ke liye bhi daddy se paise maangte the,

Aur aaj hazaro rupaye bina unko kuch bataye kharch dete hai…..

Ha, Shayad Ab Hum Bade Ho Gaye Hai.

Jin brother-sister se ladne ke liye chote-chote bahane dhundha karte the,

Aaj unhi sabse milne ke bahane khojne padte hai……

Ha, Shayad Ab Hum Bade Ho Gaye Hai.

Bachpan me jinke kandho par baith kar ghuma karte the,

Aaj unhi ke kandho se kandha milakar chalne lage hai…

Ha, Shayad Ab Hum Bade Ho Gaye Hai.

Jab kahi ghumne jaane ke liye papa ko chutti nahi mil pati thi, to bahut gussa karte the,

Aur ab, Khud mummy-papa se milne jaane ke liye chutti ki bhikh mangte hai…..

Ha, Shayad Ab Hum Bade Ho Gaye Hai.

Pehle kisi ki yaad aati thi to usi samay call kar lete the,

Aur aaj call karne ke liye bhi waqt nikalna padta hai…..

Ha, Shayad Ab Hum Bade Ho Gaye Hai.

Pehle charo taraf sirf dost hua karte the,

Aur ab dosto se kam, collegues se zyada baatein hoti hai…..

Ha, Shayad Ab Hum Bade Ho Gaye Hai.

Pehle kabhi bhi bimaar padh jaane ki azadi thi,

Aur ab, sick hone ke liye bhi permission leni padti hai…..

Ha, Shayad Ab Hum Bade Ho Gaye Hai.

Pehle 31^st was juz another normal day for us,

And now, current month ki 31^st aate hi next month ki 31^st ka wait karte hai….

Ha, Sach me Ab Hum Bade Ho Gaye Hai.